ჩვენ შესახებ
ჩვენ შესახებ
ხელით შექმნილი 2013 წლიდან
ორი მეგობრის — კერამიკოს ნატო ერისთავისა და დიზაინერ ნინო ყამბარაშვილის ერთობლივი იდეა, დაეარსებინათ კერამიკის სახელოსნო, 2013 წელს ექსპერიმენტის სახით დაიწყო.
ჯერ კიდევ სახელოსნოს დაარსებამდე, ნატომ და მისმა კოლეგებმა, ქართული თიხის კვლევის პროცესში, აღმოაჩინეს ადგილობრივი თეთრი თიხა, თავისი უნიკალური თვისებებით. White Studio-მ პირველმა დაიწყო თეთრ თიხაზე მუშაობა. მოგვიანებით ამ მასალას — „ქართული ფაიფური“ დაერქვა. კერამიკის სახელოსნოს სახელწოდებაც — White Studio (თეთრი სტუდია) სწორედ ამ ისტორიას უკავშირდება.
თანადამფუძნებლები
ნატო ერისთავი
კერამიკოსი · თანადამფუძნებელი
1989–1994 / თბილისის სახ. სამხატვრო აკადემიის კერამიკის ფაკულტეტის მაგისტრანტის დიპლომი
2006–2013 / სამხ. აკადემიის მოწვეული პედაგოგი
ქართული კერამიკული ხელოვნებისა და რეწვის ფონდი „თიხის ოფისის“ თანადამფუძნებელი
პირველი ქართული კერამიკის ცენტრისა და გალერეა „ვორქშოპის“ დამფუძნებელი
საერთაშორისო კერამიკის ფესტივალების კურატორი / თელავი, გუდაური, ომალო
შვიდი პერსონალური გამოფენა
საერთაშორისო გამოფენები, სიმპოზიუმები და კონფერენციები: აშშ, იაპონია, კორეა, ჩინეთი, დანია, საფრანგეთი, შვედეთი, ლატვია, ეგვიპტე, ტუნისი
„თიხა ცოცხალია, სუნთქავს, გრძნობს, და ხან გემორჩილება, ხან კი გიბრაზდება.“
ნინო ყამბარაშვილი
დიზაინერი · თანადამფუძნებელი
თბილისის სახელმწიფო სამხატვრო აკადემია — თეატრი და დეკორაცია
ინტერიერისა და ავეჯის დიზაინერი
არქიტექტურული პრემია „საზოგადოებრივი ინტერიერი“
მილანის დიზაინის კვირეული — „Ventura Lambrate“
ლონდონის დიზაინის კვირეული — „100% Design“
„ინტერიერის სრულყოფილებისთვის კერამიკა მნიშვნელოვანი შტრიხია.“
White Studio ატარებს საერთაშორისო კერამიკის ფესტივალებს, გამოფენებს, მასტერკლასებს და კერამიკის მოყვარულებს სთავაზობს სასწავლო კურსებს.